На мяжы Украіны з Беларуссю прагрымеў магутны выбух
17- 21.05.2024, 11:11
- 91,840
![На мяжы Украіны з Беларуссю прагрымеў магутны выбух](https://i.c97.org/ai/468607/aux-head-1653033763-20220520_granica_360.jpg)
Што адбылося?
У Валынскай вобласці блізу дарогі на мяжы з Беларуссю 20 траўня здэтанавалі міны. Выбух сур'ёзна пашкодзіў грузавік, які акурат праязджаў па трасе; два чалавекі пацярпелі.
Дэтанацыя адбылася праз варункі надвор'я: 20 траўня Валынь накрылі дажджы з навальніцамі. Верагодна, міны спрацавалі з-за ўдару маланкі. Дэталі падзеі і прычыны надзвычайнага здарэння раскрыла выданне «Канкурэнт» са спасылкай на прэс-службу мясцовай паліцыі.
Выбух пашкодзіў трасу М19 на адцінку Гірнікі - Даманава. 20 і 21 траўня быў арганізаваны яе аб'езд.
![](https://i.c97.org/ai/595878/aux-1716278955-minyi.jpeg)
![](https://i.c97.org/ai/595878/aux-1716278955-photo2024-05-2022-19-34.jpeg)
Паводле інфармацыі «Канкурэнта», мінная загарода здэтанавала недалёка ад прымежнай вёскі Даманава ў выніку ўскладнення варункаў надвор'я. Пашкоджаны грузавік Iveco, 58-гадовы кіроўца паранены і патрапіў у лякарню.
Нязначныя цялесныя пашкоджанні атрымаў і 25-гадовы пасажыр транспартнага сродку. Шпіталізаваны ён не быў.
«Звесткі зарэгістраваныя ў часопісе адзінага ўліку заяў і паведамленняў грамадзян аб крымінальных правапарушэннях і іншых падзеях. Матэрыялы будуць накіраваныя ў ГБР», - паведамілі праваахоўнікі.
![](https://i.c97.org/ai/595878/aux-1716278955-screenshot9.jpeg)