Медыкі расказалі, у якім зараз стане паранены Фіца
- 20.05.2024, 15:37
- 10,514
![Медыкі расказалі, у якім зараз стане паранены Фіца](https://i.c97.org/ai/572932/aux-head-1700851149-20231122_fico_360.jpg)
Жыццёва важныя паказчыкі павольна мяняюцца.
У панядзелак, 20 траўня, лякарня Рузвельта ў Банскай Быстрыцы, дзе знаходзіцца славацкі прэм'ер, зрабіла кароткую заяву аб ягоным стане.
Са слоў медыкаў, стан напярэдадні цяжкапараненага прэм'ер-міністра Славакіі Роберта Фіца паляпшаецца. Жыццёва важныя паказчыкі павольна нармалізуюцца.
Аб гэтым піша выданне Aktuality.
«Пасля сённяшняй кансультацыі стан пацыента стабільны. Клінічна ягоны стан паляпшаецца, ён размаўляе, запаленчыя паказчыкі павольна змяншаюцца. Прэм'ер-міністр застаецца пад нашым назіраннем», - заявілі лекары.
Нагадаем, 71-гадовы Юрай Цінтула 15 траўня некалькі разоў стрэліў у прэм'ер-міністра Славакіі Робэрта Фіца. Замах адбыўся пасля выязнога пасяджэння ўрада ў горадзе Гандлава.