Украінскія дроны атакавалі расейскі цягнік з палівам
20- 14.05.2024, 22:12
- 51,738
![Украінскія дроны атакавалі расейскі цягнік з палівам](https://i.c97.org/ai/594983/aux-head-1715663707-20240514_tavarniak_360.png)
Адбыўся выбух.
Уночы ў аўторак, 14 траўня, у расейскай Валгаградскай вобласці дрон атакаваў грузавы цягнік, які перавозіў паліва ў цыстэрнах. Дзевяць вагонаў сышлі з рэек, адбыўся выбух і ўспыхнуў пажар.
![](https://i.c97.org/ai/594983/aux-1715666274-IMAGE 2024-05-14 07_57_02.jpg)
![](https://i.c97.org/ai/594983/aux-1715666274-IMAGE 2024-05-14 07_56_59.jpg)
Пра гэта паведамляе расейскі Telegram-канал Baza.
Адзначаецца, што цягнік сышоў з рэек "з-за ўмяшання старонніх асоб".
Аварыя адбылася а першай гадзіне ночы ля станцыі Катлубань. Telegram-канал сцвярджае, што пацярпелых нібыта няма.
Са звестак Baza, у выніку атакі БПЛА загарэліся два вагоны з палівам. Папярэдне, адна цыстэрна ўзарвалася. Пасля гэтага паліва разлілося і загарэлася трава.
Усяго з рэек сышлі дзевяць вагонаў цягніка. Цяпер пажар лакалізаваны, але цалкам яго патушыць яшчэ не ўдалося, піша Baza.