Мілеўскі прызнаўся, калі паедзе ў Менск
- 9.04.2024, 21:38
- 4,634
Футбаліст чакае пераменаў.
Былы нападнік каманды Украіны Арцём Мілеўскі выказаўся пра магчымае сваё вяртанне ў Беларусь.
Паводле словаў экс-гульца кіеўскага «Дынама», цяпер ён гэта не разглядае.
«Пытанне пра Менск. Гэта цяжкае пытанне, таму што, мне здаецца, тут сцісла і зразумела можна адказаць. І бацькі гэта разумеюць, і я гэта разумею, што пакуль мой пераезд туды немагчымы.
Калі ўсё гэта скончыцца, тады можна падымаць гэтае пытанне. Пакуль што гэта без каментароў увогуле», – сказаў Арцём у эфіры Telescope.
Мілеўскі з'яўляецца нараджэнцам Менска, аднак у раннім узросце атрымаў грамадзянства Украіны.