Летась беларусы зарэгістравалі ў Польшчы амаль 7 700 ІП

61% з іх звязаны з праграмаваннем.

У 2023 годзе беларусы зарэгістравалі ў Польшчы 7 663 ІП, піша MOST са спасылкай на польскія СМІ.

61% новых зарэгістраваных беларускіх прадпрымальнікаў заняты ў сферы інфармацыі і камунікацыі. Пераважна гэтыя прадпрыемствы звязаныя з праграмаваннем.

Больш за 12% вядуць прафесійную, навуковую і тэхнічную дзейнасць. А, напрыклад, у будаўнічай сферы занята крыху менш за 6% новых зарэгістраваных ІП беларусаў.

Усяго летась замежнікі зарэгістравалі ў Польшчы амаль 42 тысячы ІП. 70% з іх складаюць украінцы. Беларусы з паказчыкам 19% займаюць другое месца.