The Telegraph: Амерыка пацвердзіла свой статус вайсковай звышдзяржавы
- 15.04.2024, 19:12
- 7,816
![The Telegraph: Амерыка пацвердзіла свой статус вайсковай звышдзяржавы](https://i.c97.org/ai/416950/aux-head-1617214078-20210331_orel_usa_360.gif)
ЗША выконваюць абавязкі «міжнароднага паліцыянта».
Абурэнне сярод сусветных лідараў што да нападу Ірана на Ізраіль павінна быць такім жа ашаламляльным, як тады, калі Пуцін напаў на Украіну 24 лютага 2022 года, піша The Telegraph (пераклад - zn.ua).
У сусветным парадку няма месца аднабаковым актам агрэсіі супраць суверэннай тэрыторыі адной краіны з боку іншай. Такія дзеянні цалкам выходзяць за рамкі структуры міжнароднай бяспекі ААН, створанай шматбаковым пагадненнем пасля хаосу Другой сусветнай вайны і пад наглядам Рады Бяспекі ААН. Іран дапусціў сур'ёзную памылку, учыніўшы наўпростаывы напад на Ізраіль. Толькі дзякуючы тэхнічнай дасканаласці ізраільскіх сістэм супрацьпаветранай абароны і добраахвотнаму супрацоўніцтву некаторых яе хаўруснікаў гэтая атака не прывяла да масавых ахвяр сярод цывільнага насельніцтва.
ЗША і іншыя заходнія краіны, у тым ліку Вялікая Брытанію, сталі на бок Ізраіля ў адбіцці незаконнага нападу Ірана. Вядома, Ізраіль цвёрда лідараваў у правядзенні сваіх абарончых аперацый супраць іранскага нападу, але роля Цэнтральнага Камандавання Узброеных Сіл ЗША таксама была вызначальнай.
«Як бы ні хацелася Кітаю, Расеі ці нават Ірану меркаваць, што яны маюць статус звышдзяржавы, у свеце ўсё яшчэ існуе толькі адна вайсковая звышдзяржава – Злучаныя Штаты Амерыкі», – піша газета The Telegraph.
Хоць Дональд Трамп, магчыма, хацеў бы, каб ЗША адышлі ад сваіх міжнародных «паліцэйскіх абавязкаў», прэзідэнт Джо Байдэн цягам апошніх некалькіх дзён не сумняваўся, што ЗША з дапамогай Цэнтральнага Камандавання адыгрываюць жыццёва важную ролю ў абароне правоў адной краіны, калі ёй пагражае іншая краіна.