ЦНС: У Беларусі «вагнераўцы» займаюцца падрыхтоўкай спецназаўцаў
18- 15.04.2024, 17:51
- 11,070
![ЦНС: У Беларусі «вагнераўцы» займаюцца падрыхтоўкай спецназаўцаў](https://i.c97.org/ai/553322/aux-small-1687670365-20230624_prigozin_czetyre_120.jpg)
Галоўнай іх задачай будзе праца на тэрыторыі Украіны.
У Беларусі скончылася восьмая падрыхтоўка спецназаўцаў пад кіраўніцтвам наймітаў ПВК «Вагнер». Галоўнай іх задачай будзе праца на тэрыторыі Украіны.
Пра гэта паведамляе Цэнтр нацыянальнага супраціву.
«Паводле інфармацыі беларускага падполля тут (у Беларусі - рэд.) прайшоў баявое зладжванне атрад спецпрызначэння «Граніт». Навучанне праводзілі ўсё тыя ж інструктары з ПВК «Вагнер», якія знайшлі прытулак менавіта на тэрыторыі краіны хаўрусніцы Расеі», - гаворыцца ў паведамленні.
Як адзначаюць у ЦНС, галоўнай задачай атрадаў будзе дыверсійная праца на тэрыторыі Украіны.
«Вагнераўцы праводзяць заняткі па інжынернай і агнястрэльнай падрыхтоўцы, тактычнай медыцыне. Асноўным узбраеннем для такіх атрадаў з'яўляюцца ручныя супрацьтанкавыя гранатамёты, аўтаматычныя гранатамёты і кулямёты Калашнікава», - паведамляюць у Цэнтры нацсупраціву.