Арабскія краіны таемна перадалі выведвальныя звесткі аб нападзе Ірана на Ізраіль
- 15.04.2024, 14:57
- 8,010
![Арабскія краіны таемна перадалі выведвальныя звесткі аб нападзе Ірана на Ізраіль](https://i.c97.org/ai/591593/aux-head-1713182249-20240411_ataka_na_izrael__360.png)
Яны былі вызначальнымі ў паспяховай абароне.
Арабскія краіны таемна перадалі Злучаным Штатам выведвальную інфармацыю аб плане нападу Ірана. Аб гэтым піша The Wall Street Journal.
Большую частку супрацоўніцтва ў суботу ўвечары, якое прывяло да збіцця іранскай загароды, трэба было наладжваць на хаду, многія падрабязнасці аб ролі, якую адыгралі Савудаўская Арабія і іншыя ключавыя арабскія ўрады, старанна хаваюцца, піша выданне.
Гэтая аперацыя стала кульмінацыяй шматгадовых намаганняў ЗША па разбурэнні палітычных і тэхнічных бар'ераў, якія перашкаджалі ваеннаму супрацоўніцтву паміж Ізраілем і ўрадамі суніцкіх арабскіх краін.
За два дні да нападу на Ізраіль іранскія афіцыйныя асобы праінфармавалі краіны Персідскай затокі аб структуры і тэрмінах плана нападу, каб даць ім магчымасць гарантаваць бяспеку паветранай прасторы. Афіцыйныя асобы Савудаўскай Арабіі і Егіпта заявілі, што адразу пасля таго, як Іран пачаў адкрыта пагражаць нанесці ўдар у адказ Ізраілю, Злучаныя Штаты пачалі ціснуць на ўрады арабскіх краін, каб тыя падзяліліся выведвальнымі звесткамі.
Аб'яднаныя Арабскія Эміраты і Савудаўская Аравія пагадзіліся падзяліцца звесткамі, а Ярданія аб'явіла аб сваёй згодзе на выкарыстанне яе паветранай прасторы. Іранская інфармацыя паступіла ў Вашынгтон. Яна была вызначальнай у паспяховай абароне.
Дыпламатычнае пытанне супрацоўніцтва было паспяхова развязанае, хаця ў Ізраіля, напрыклад, няма дыпламатычных стасункаў з Савудаўскай Арабіяй.