Палова запушчаных Іранам па Ізраілі балістычных ракет выйшла з ладу
- 15.04.2024, 9:44
- 8,272
![Палова запушчаных Іранам па Ізраілі балістычных ракет выйшла з ладу](https://i.c97.org/ai/591534/aux-head-1713163457-20240411_iran_bal_rakiety_360.png)
Многія з іх проста не вылецелі пры запусках.
Сама меней палова балістычных ракет, запушчаных Іранам па Ізраілі падчас учарашняй масаванай атакі, выйшла з ладу. Гэтыя адзінкі ўзбраення або не вылецелі пры запусках, або пацярпелі няўдачу або крах у палёце, або разбіліся, не дасягнуўшы сваіх цэляў.
Пра гэта паведамляе ABC News.
Звесткі аб такіх адсоткавых прапорцыях ракет, якія пры нападзе па Ізраілі былі выведзеныя з ладу, заходнім журналістам пацвердзілі дзве амерыканскія афіцыйныя асобы, якія не былі названыя ў матэрыяле.
Перад тым высокапастаўлены чыноўнік ЗША распавёў, што сярод больш як 300 беспілотнікаў, крылатых і балістычных ракет было ад 115 да 135 балістычных ракет, запушчаных па Ізраілі.
У публікацыі пазначаецца, што гэта азначае, што толькі палова балістычных ракет, запушчаных Іранам, павінна была быць збітая супрацьпаветранай абаронай Ізраіля і іншых краін у ноч на 14 красавіка.