Барэль заклікаў краіны ЕЗ перадаць Украіне боепрыпасы
3- 22.02.2024, 21:09
- 4,768
![Барэль заклікаў краіны ЕЗ перадаць Украіне боепрыпасы](https://i.c97.org/ai/389567/aux-head-1597478243-20200815_zozep_360.jpg)
Дзейнічаць трэба неадкладна.
Краінам Еўрапейскага Звязу трэба тэрмінова перадаць Украіне боепрыпасы. Праз іх нястачу УСУ маюць цяжкасці на фронце.
Пра гэта сказана ў лісце кіраўніка дыпламатыі ЕЗ Жазэпа Барэля міністрам замежных справаў і абароны краінаў блоку, паведамляе Politico.
«Украінскія салдаты адчуваюць цяжкасці ў барацьбе з агрэсарам – таму што ім не стае боепрыпасаў», – адзначыў Барэль.
Ён заклікаў краіны Еўразвязу падтрымаць Украіну любымі магчымымі спосабамі, у тым ліку пошукам снарадаў на сваіх складах, самастойнымі і супольнымі набыткамі ў еўрапейскай прамысловасці, набыццём боепрыпасаў, якія ўжо даступныя на рынку, або фінансаваннем украінскай прамысловасці.
«Я веру, што разам мы зможам змяніць сітуацыю – для Украіны і для бяспекі Еўропы, – але гэта патрабуе неадкладных дзеянняў. Час вызначальны», – дадаў дыпламат.
Барэль таксама заклікаў краіны ЕЗ раскрываць інфармацыю, што яны робяць на двухбаковым узроўні ў пытанні паставак зброі ўкраінскім абаронцам.