У Беларусь ідзе цёплая паветраная маса з Еўропы
2- 22.02.2024, 18:36
- 6,984
![У Беларусь ідзе цёплая паветраная маса з Еўропы](https://i.c97.org/p/articles/2016/ai-193289-aux-head-20160229_wesna_t.jpg)
Якое надвор'е будзе ў выходныя?
23 лютага варункі надвор'я ў Беларусі прадоўжаць вызначаць атмасферныя франты і цёплая паветраная маса з паўднёвага захаду Еўропы. Воблачна. Часам пройдуць ападкі, у асноўным дождж. На асобных адцінках дарог галалёдзіца. Вецер паўднёвы. Тэмпература паветра мінімальная ўначы +1..+6°С, максімальная ўдзень +3..+8°С, на поўдні краіны да +10°С. Атмасферны ціск істотна не зменіцца.
24-25 лютага надвор'е ў краіне прадоўжаць вызначаць атмасферныя франты і цёплая паветраная маса, якая распаўсюджваецца з поўдня Еўропы. Воблачна з прасвятленнямі.
24 лютага ўначы на большай частцы тэрыторыі, удзень месцамі па краіне чакаюцца кароткачасовыя дажджы. Уначы і раніцай у асобных раёнах слабы туман, на асобных адрэзках дарог галалёдзіца. Вецер паўднёвай чвэрці парывісты, удзень месцамі моцны парывісты. Тэмпература паветра мінімальная ўначы +1..+6°С, максімальная ўдзень +7..+14°С, на паўночным усходзе рэспублікі яна складзе +4..+6°С.
25 лютага на большай частцы тэрыторыі краіны пройдуць дажджы. Вецер паўднёвай чвэрці парывісты, уначы ў асобных раёнах моцны парывісты. Тэмпература паветра мінімальная ўначы +2..+7°С, максімальная ўдзень +4..+10°С, на захадзе краіны да +12°С.