«Прыднястроўе» 28 лютага «папросіць» Пуціна аб анэксіі?
28- 22.02.2024, 18:30
- 20,996
![«Прыднястроўе» 28 лютага «папросіць» Пуціна аб анэксіі?](https://i.c97.org/ai/459245/aux-head-1647377751-202200315_abel_360.jpg)
Аб гэтым заявіў мясцовы апазіцыянер.
У малдоўскім Ціраспалі (сталіца непрызнанага Прыднястроўя) 28 лютага запланаваны з'езд «дэпутатаў» усіх узроўняў, якія могуць звярнуцца да Расеі з просьбай «прыняць Прыднястроўе ў склад РФ». Аб гэтым заявіў мясцовы апазіцыянер і актывіст Генадзь Чорба, паведамляе агенцтва Infotag.
Чорба адзначыў, што 29 лютага расейскі дыктатар Пуцін выступіць з пасланнем да федэральнага сходу ў Маскве і можа абвясціць, што задавальняе запыт «дэпутатаў».
«Адсюль і нядаўняя заява міністра замежных спраў Расеі Лаўрова аб тым, што Масква не пакіне ў бядзе сваіх грамадзян, якія пражываюць у Прыднястроўі», – заявіў ён.
Чорба заклікаў «дэпутатаў» непрызнанай рэспублікі не дапусціць прыняцця прызыву, які дазволіў бы Пуціну наносіць удары па тэрыторыі Малдовы, уключаючы Прыднястроўе, «пад усякай падставай».