У Бярдзянску прагрымеў магутны выбух: рух перацяты
2- 22.02.2024, 11:14
- 6,568
![У Бярдзянску прагрымеў магутны выбух: рух перацяты](https://i.c97.org/ai/549776/aux-head-1685267114-20230527_berdiansk_360.jpg)
Акупанты панікуюць праз атаку беспілотніка.
Раніцай 22 лютага ў часова акупаваным Бярдзянску прагрымеў магутны выбух. Паводле папярэдніх звестак, быў знішчаны транспартны сродак.
Захопнікі пасля выбухаў перацялі рух на шэрагу вуліц. Пра гэтым пішуць мясцовыя Telegram-каналы.
Паводле інфармацыі мясцовых жыхароў, у горадзе раніцай быў знішчаны аўтамабіль. Транспартны сродак знаходзіўся на паркоўцы каля гандлёвага цэнтра "Амстор" на праспекце Усходнім.
Таксама стала вядома, што пасля здарэння акупацыйная паліцыя часткова перацяла рух па Усходнім праспекце. У сваю чаргу акупанты скардзяцца, што выбухоўку нібыта скінулі з беспілотніка.
Акрамя таго, мясцовыя жыхары расказваюць, што расейскія вайскоўцы напалоханыя. Пры гэтым вораг скардзіцца, што яго атакуюць нават у тылавым населеным пункце.
Паводле папярэдніх звестак, выбух было чуваць а 7:00 раніцы. Варта адзначыць, што акупацыйная так званая адміністрацыя ніяк не каментуе выбухі ў захопленым горадзе.
![](https://i.c97.org/ai/584643/aux-1708589600-photo2024-02-2208-16-32.jpeg)
![](https://i.c97.org/ai/584643/aux-1708589600-snimok-ekrana-2024-02-22-093857.jpeg)