Мінюст ЗША абвінаваціў іранскага агента ў падрыхтоўцы забойства Трампа

Падрабязнасці.

У ЗША траіх мужчынаў падазраюць у верагоднай змове ў падрыхтоўцы забойства будучага прэзідэнта ЗША Дональда Трампа і амерыканскага журналіста іранскага паходжання. Пра гэта паведаміў Мінюст ЗША ў пятніцу, 8 лістапада.

Як сцвярджаюць у амерыканскай установе, іранскі агент – 51-гадовы Фархад Шакеры наняў некалькіх суўдзельнікаў у Нью-Ёрку. У справе, сярод іншых, фігуруюць Шакеры, які цяпер знаходзіцца на волі і 49-гадовы Карлайл Рывера і 36-гадовы Джонатон Лоўдголт – амерыканцы, якіх узялі пад варту напярэдадні.

Як паведамляе агенцтва AP, амерыканскія агенты ФБР даведаліся пра змову з мэтай забойства Трампа падчас інтэрв'ю з Шакеры. Ён грамадзянін Афганістана, якога афіцыйныя асобы называлі агентам іранскага ўраду. Шакеры быў дэпартаваны з ЗША пасля зняволення паводле абвінавачання ў рабаванні.

Мужчына расказаў следчым, што ў верасні 2023 года невядомы ў іранскай ваенізаванай арганізацыі Рэвалюцыйная гвардыя даручыў яму цягам сямі дзён распрацаваць план сачэння і забойства Трампа.

8 лістапада таксама былі арыштаваныя двое іншых мужчынаў, якія, паводле звестак уладаў ЗША, былі завербаваныя для ўдзелу ў іншых забойствах, у тым ліку вядомага амерыканскага журналіста іранскага паходжання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]