Forbes: УСУ зладзілі сапраўдную бойню для войска РФ у Курскай вобласці
- 8.11.2024, 18:51
- 25,156
Мінімум 100 акупантаў забітыя і параненыя падчас нападу ўкраінскіх пазіцый.
У чацвер, 7 лістапада, войска РФ пры падтрымцы салдат КНДР надумала аднавіць наступ на пазіцыі УСУ ў Курскай вобласці.
"Учора адбылася самая сапраўдная крывавая бойня для войска Пуціна, аднак яна ўсё адно не пакіне спробу выбіць УСУ з Курскай вобласці", – паведамляе Forbes.
Пасля перамогі Трампа на прэзідэнцкіх выбарах у ЗША многія чакаюць нейкіх перамен у вайне ва Украіне. Ужо ў студзені 2025 года адбудзецца інаўгурацыя, і да гэтага моманту Пуцін хоча атакаваць так моцна, як гэта будзе дазваляць рабіць вайсковая тэхніка і жывая сіла.
Экспэрты пішуць, што Трамп прапануе замарозіць канфлікт па цяперашняй лініі фронту, што не зусім на руку Крамлю, асабліва гэта тычыцца сітуацыі на Куршчыне.
Калі гэта адбудзецца, то РФ давядзецца адмовіцца ад часткі тэрыторыі на Куршчыне, таму Пуцін і не лічыцца з жыццямі сваіх салдат, каб выбіць УСУ.
Днямі 810-я брыгада марскіх пяхотнікаў УС РФ атрымала падмацаванне ў выглядзе салдат Кіма. Аналітык Kriegsforscher паведамляе, што ўкраінскія аператары беспілотнікаў пацвердзілі наяўнасць ва УС РФ новых БТР-82 у колькасці 40 адзінак.
У чацвер 10 з 14 БТР, якімі УС РФ атакавалі ўкраінскія сілы, былі знішчаныя. У адным БТР магло знаходзіцца да 10 акупантаў. На справе выходзіць, што напярэдадні войска РФ парадзела мінімум на 100 вайскоўцаў.
"Як я ўжо казаў, левы фланг і цэнтр будуць самымі складанымі месцамі ў Курскай вобласці", – адзначыў Kriegsforscher. Крэмль гатовы пайсці на такія вялікія страты, каб паспець да 2025 года вярнуць пад свой кантроль Курскую вобласць.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
