Белы дом і рэзідэнцыю Гарыс агарадзілі металічнымі загародкамі

На выпадак беспарадкаў.

У раёне Белага дома, Капітолія і рэзідэнцыі віцэ-прэзідэнткі Камалы Гарыс у Вашынгтоне з'явіліся новыя загароды на выпадак магчымых беспарадкаў у бліжэйшыя дні на фоне выбараў.

Пра гэта паведамляе выданне The Washington Post.

Сакрэтная служба ўзвяла металічныя агароджы вакол комплексу Белага дома і Міністэрства фінансаў, а таксама прылеглых частак плошчы Лафает, Ваенна-марской абсерваторыі і дома Гарыс у акрузе Калумбія. У раёне Капітолія таксама ўстаноўленыя часовыя бар'еры.

У сакрэтнай службы таксама ёсць планы аб мерах бяспекі за межамі канферэнц-цэнтра ў Вест-Палм-Біч у Фларыдзе, дзе былы прэзідэнт Дональд Трамп будзе праводзіць мерапрыемства ў ноч выбараў.

Гарыс правядзе ноч выбараў у сваёй альма-матэр, універсітэце Говарда ў Вашынгтоне. Дэпартамент паліцыі Вашынгтона паведаміў у нядзелю, што там будуць перацяты вуліцы, не будзе зон для паркоўкі і транзітных аб'ездаў у прылеглых раёнах.

Афіцыйныя асобы заявілі, што пакуль няма ніякіх пагроз для Вашынгтона напярэдадні выбараў. Але мясцовыя жыхары рыхтуюцца да патэнцыйных беспарадкаў незадаволеных вынікамі выбараў, а агароджу і фанера на вокнах нагадваюць пра прэзідэнцкія выбары 2020 года і напад на Капітолій 6 студзеня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]