Апазіцыя Грузіі збірае вялікі мітынг у Тбілісі

І рыхтуе намёты.

Грузінская апазіцыя пацвердзіла збор вялікага пратэсту супраць вынікаў парламенцкіх выбараў, які адбудзецца ў панядзелак увечары на праспекце Руставэлі ў Тбілісі, паведамляе агенцтва "Навіны-Грузія".

Пратэстоўцы збяруцца а 19:00 мясцовага часу (18:00 менскага) перад будынкам парламента.

Акцыя пройдзе на дзявяты дзень пасля выбараў, афіцыйныя вынікі якіх не прызнаюць чатыры апазіцыйныя аб'яднанні, якія прайшлі ў парламент.

Яны патрабуюць міжнароднага расследавання, гаворачы аб масавай фальсіфікацыі вынікаў галасавання, і паўторных выбараў пад міжнародным кантролем.

У падрыхтоўцы мітынгу ўдзельнічалі "Кааліцыя за перамены", "Адзінства - Нацыянальны рух" і "Моцная Грузія".

Арганізатары не выдаюць сцэнар будучага мітынгу, абяцаючы пасля яго пачатку абвясціць аб далейшых планах. Раней "Кааліцыя на перамены" абвясціла аб зборы намётаў, іх ужо ў запасе да тысячы. Але пакуль няясна, ці з'явіцца намётавае мястэчка ў цэнтры Тбілісі ў панядзелак.

Апазіцыйныя мэдыі са спасылкай на крыніцы ў партыях пішуць, што ў панядзелак пратэст будзе абвешчаны бестэрміновым. Аб'яднаны штаб будзе працаваць у цэнтральнай сядзібе партыі "Лела" ў Тбілісі.

"Мы сустрэнемся ў панядзелак, а 19:00, на Руставэлі, і падрабязна праінфармуем аб тым, як у рамках закона, мірна, арганізавана будзе працягвацца наш пратэст", – сказала на брыфінгу лідар партыі "Для народа" Анна Далідзэ.

"Вуліца стане адным з цэнтральных кірункаў нашага плана, дзе мы будзем змагацца за нашу краіну і еўрапейскую будучыню", — заявіла адна з лідэрак "Кааліцыі за змены" Элена Хаштарыя.

Гэта будзе другі пратэставы мітынг апазіцыі пасля выбараў. Першы адбыўся 28 кастрычніка, пасля таго, як Цэнтральная выбарчая камісія абвясціла папярэднія вынікі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]