Загадкавая смерць: у Карэліі знайшлі мёртвым паплечніка Прыгожына

Ён мог сачыць за сям'ёй кіраўніка МЗС РФ.

У Карэліі знайшлі мёртвым расейскага акупанта Андрэя Ткачэнку, які быў адным з блізкіх паплечнікаў кіраўніка прыватнай вайсковай кампаніі "Вагнер" Яўгенія Прыгожына.

Як піша расейскі Telergam-канал «ВЧК-ОГПУ», Ткачэнка ўдзельнічаў у вайне супраць Украіны да лета гэтага года. У кастрычніку ён разам з сябрамі і васьмігадовым сынам прыехаў у рэгіён на рыбалку. 28 кастрычніка Ткачэнка з сябрам і сынам выплылі на катэры на возера Сегазера, яны знаходзіліся за 400 мэтраў ад берага.

«Неўзабаве на бераг выплыла спалоханае дзіця (яно знаходзіцца ў шоку), туды ж крыху пазней вынесла цела сябра Ткачэнкі».

У нядзелю, 3 лістапада, ратавальнікі знайшлі цела Ткачэнкі ў акваторыі возера. Паводле канала, мужчына выконваў для Прыгожына "самыя ценявыя" задачы. Напрыклад, ён апекаваўся над шэрагам спецыяльных праектаў у Афрыцы, а таксама сачыў за зяцем міністра замежных спраў Расеі Сяргея Лаўрова.

Ткачэнку злавілі і пагражалі абвінавачаннем у дзяржаўнай здрадзе, таму ён пачаў сведчыць супраць Прыгожына і кіраўніка ягонай службы бяспекі Аляксандра Малалеткі. Імя кіраўніка «Вагнера» са справы проста прыбралі, а вось ягоную «правую руку» прыцягнулі да адказнасці. Пасля гэтага ён абяцаў адпомсціць Ткачэнку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]