Ці могуць беларусы прадаць кватэру, за якую яшчэ не выплачаны крэдыт?

Растлумачыла рыэлтарка.

«Многія думаюць, што прадаць такую кватэру нерэальна, але гэта міф, - расказала «Онлайнеру» рыэлтарка агенцтва «Марыэлт». - Так, пры продажы падобных аб'ектаў ёсць свае нюансы, аб якіх пакупнікам важна ведаць. Напрыклад, нядаўна да мяне звярнулася сям'я, якая планавала з'ехаць у іншую краіну і прадаць сваю кватэру ў слупку на вул. Скрыганава. Яны куплялі гэтую двухпакаёўку пару гадоў таму з прыцягненнем крэдыту, і на момант угоды пазыка блізу $15 000 была не выплачаная. Як правіла, не ўсе гатовы ўвязвацца ў падобныя «авантуры», але фактычна алгарытм дзеянняў пры такіх угодах ужо адпрацаваны».

Пры продажы кватэр, якія знаходзяцца ў закладзе ў банка, рыэлтары выкарыстоўваюць дамову пазыкі. Фактычна, гэта грошы, якія даюцца ў пазыку прадаўцу, каб той поўнасцю выплаціў абавязанні перад банкам.

«Мы знайшлі пакупніка, які гатовы быў набыць двойку на нашых умовах. Перш за ўсё сабралі ўсе неабходныя дакументы на кватэру, каб пераканацца ў яе «чысціні». Уладальнікі на той момант ужо былі зарэгістраваныя на новым адрасе, - успамінае рыэлтар.

Пасля таго як дакументы на кватэру былі ў нас на руках, мы адправіліся да натарыуса, каб аформіць дамову пазыкі, за якую пакупнік перадаў прадаўцу $20 000 паводле курсу. Тут варта мець на ўвазе, што да продажу кватэры гэта дамова не мае ніякага дачынення: з ёй адная фізічная асоба дае ў пазыку грошы іншай.

Пасля мы пайшлі ў банк і разам выплацілі крэдыт. Звычайна даведку аб поўнай выплаце пазыкі банк рыхтуе блізу трох дзён, і гэта таксама трэба ўлічваць пры такіх угодах. Тут ёсць невялікія рызыкі: без даведкі мы не зможам пайсці ў БРТІ, зняць абцяжаранне і правесці ўгоду, а за тры дні можа адбыцца што хочаш. Пры гэтым забраць у банка ўнесеную суму нельга. Многія баяцца рызыкаваць і адмаўляюцца ад пакупкі кватэр, якія знаходзяцца ў закладзе ў банка. Але, напрыклад, у маёй практыцы такіх форс-мажораў не было. У выніку даведку ад банка мы атрымалі, правялі ўгоду і без праблем перааформілі двойку на новага ўладальніка. Рэшту сумы сям’я атрымала на рукі. У маёй практыцы такія ўгоды праходзяць прыкладна раз на месяц».

Рыэлтарка кажа, што ў сітуацыях, калі ў справе замяшаныя льготны крэдыт на кватэру, рыэлтары дзейнічаюць крыху інакш. Тут так проста "квадраты" не прадаць, паколькі па дамове пасля поўнай выплаты крэдыту павінна прайсці мінімум пяць гадоў.

«Але нават у такіх сітуацыях ёсць шчыліны, з дапамогай якіх можна «пазбавіцца» ад нерухомасці. Гэта магчыма, напрыклад, калі ва ўласніка ёсць падставы: пераезд у іншую мясцовасць, паляпшэнне жыллёвых умоў, смерць аднаго з шлюбных партнёраў ці развод. Пакет дакументаў, які пацвярджае адну з падстаў, трэба падаць у выканкам, які вынесе пастанову, ці можна надалей прадаваць кватэру.

У мяне ў практыцы такія шгоды былі. Сям'я з Менска хацела прадаць аднапакаёўку на Алібегава, каб купіць дом за горадам. Давялося вельмі моцна пастарацца, каб знайсці прыдатны аб'ект, які задаволіў бы кліента і падышоў пад шэраг патрабаванняў ад выканкама. Літаральна за месяц мы прадалі кватэру і знайшлі сустрэчны варыянт. Ад сябе скажу: асцерагацца такіх угод не варта, у 99% выпадкаў усё можна развязаць», - запэўнівае рыэлтарка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]