Сябра Лукашэнкі напалохалі «амаральныя» кампутарныя гульні

Гаворка ідзе пра Counter Strike.

Управа міністэрства ўнутраных спраў Душанбэ папярэдзіла ўладальнікаў кампутарна-гульнявых цэнтраў, што ў горадзе забаронена распаўсюджванне гульняў, якія змяшчаюць «амаральны і гвалтоўны характар». Гаворка ідзе аб Counter Strike і Grand Theft Auto (GTA), піша «Медыязона. Цэнтральная Азія».

У ведамстве ўдакладнілі, што Counter Strike і GTA патрапілі ў чорны спіс на падставе высновы гісторыка-культурнай экспэртызы міністэрства культуры Таджыкістана. На меркаванне адмыслоўцаў, гэтыя кампутарныя гульні ўтрымоўваюць элементы гвалту, забойстваў і рабаванняў.

"Аналізы праваахоўных органаў таксама паказваюць, што, на жаль, некаторыя маладыя людзі і падлеткі, рэгулярна захапляючыся такімі гульнямі, падпадаюць пад іх негатыўным уплыў і ўчыняюць розныя злачынствы", - гаворыцца ў паведамленні.

У сувязі з гэтым сілавікі настойліва просяць уладальнікаў камп'ютарных клубаў забараніць наведвальнікам глядзець амаральныя відэаролікі і гуляць у забароненыя гульні. Таксама жыхарам трэба ўважліва сачыць за сваімі дзецьмі, каб яны не бавілі час за забаўкамі, якія прапагандуюць гвалт.

Таджыкскае ведамства паабяцала праводзіць рэйды і праверачныя мерапрыемствы "для выяўлення адпаведных парушэнняў".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]