Група расейскіх «Шахедаў» ляціць на Мазыр

У Баранавічах паднялі знішчальнік.

Ваенна-паветраныя сілы Беларусі ўночы 1 лістапада ўзнялі ў паветра знішчальнік з аэрадрома "Баранавічы". Самалёт накіроўваўся ў бок н.п. Хойнікі - Мазыр, куды раней рухаліся расейскія дроны-камікадзэ.

Пра гэта паведамляе РБК-Украіна са спасылкай на "Беларускі Гаюн".

Са звестак гэтай маніторынгавай групы, беларускі вайсковы самалёт падняўся ў неба з “Баранавічаў” а 01:40 паводле мясцовага часу (00:40 паводле Кіева).

Адзначаецца, што знішчальнік ВПС РБ працягвае курс на паўднёвы ўсход краіны.

Перад гэтым украінскі рэсурс “Радар” інфармаваў, што група расейскіх дронаў-камікадзэ, якія акупанты запусцілі па Украіне падчас чарговай паветранай атакі, зайшлі ў паветраную прастору Беларусі.

Маніторынгавая група піша, што некалькі расейскіх “Шахедаў” заляцелі ў Беларусь у раёне Любеча (Чарнігаўская вобласць), узялі паўночна-заходні курс і сталі накіроўвацца на беларускія Хойнікі, а далей на Мазыр (Гомельская вобласць, РБ), а не ў кірунку Украіны.

Тут таксама трэба дадаць, што ў камандаванні Паветраных сіл УСУ а 00:13 інфармавалі аб фіксацыі расейскіх ударных беспілотнікаў у паўночнай частцы Чарнігаўскай і Кіеўскай абласцей, і яны трымалі курс на захад.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]