Беларускіх турыстаў эвакуавалі з Эльбруса на гелікаптэры

Турыстычная група не была зарэгістраваная.

Сёння а 7.00 гелікаптэр МНС Расеі вылецеў для правядзення эвакуацыі знойдзеных турыстаў. Двума рэйсамі іх спусцілі на вышыню 2600 м, адкуль на аўтамабільным транспарце даставяць у найбліжэйшую вёску, паведамляе МНС Беларусі.

Аб знікненні беларускай групы стала вядома 21 траўня. Турыстычная група не была зарэгістраваная. Яна паднімалася па заходнім схіле Эльбруса, а потым перастала выходзіць на сувязь.

Паведамляецца, што ў пошуку беларускіх турыстаў удзельнічала больш за 80 чалавек, 24 адзінкі тэхнікі, беспілотны лятальны апарат і гелікаптэр Мі-8 МНС РФ.