Падатковая пастанавіла ўзяцца за карпаратывы ў менскіх рэстаранах
8- 8.12.2023, 16:54
- 6,430
![Падатковая пастанавіла ўзяцца за карпаратывы ў менскіх рэстаранах](https://i.c97.org/ai/274242/aux-small-1514724959-20171230_NG_360.jpg)
Яны хаваюць, каго менавіта будуць правяраць.
У снежні менскія рэстараны атрымаюць запыт ад падатковай – расказаць пра карпаратывы і банкеты. Каго менавіта будуць правяраць, пакуль не гавораць, адзначае «Анлайнер».
Вядома, што камусьці зробяць «халодны званок» і падаткавікі паспрабуюць замовіць карпаратыў, у кагосьці правераць, як прымалі грошы праз касу.
Пасля праверкі інфармацыі падатковая вызначыць, з кім будзе працаваць у 2024 годзе. «Пераможцу» прапануюць правесці відэаманіторынг падчас навагодніх святаў.
«З улікам таго, што ў адыходным годзе асноўны наш кантынгент складаўся з прадпрыемстваў фастфуду, у 2024 годзе акцэнт у кантрольнай працы ў сферы грамадскага харчавання будзе зроблены на ўстановах класу “люкс”», – піша тэлеграм-канал упраўлення аператыўных мерапрыемстваў інспекцыі МПЗ Менска.