Што вядома аб сімптомах новых падвідаў амікрон-штаму каранавіруса «кентаўр», «ніндзя» і «дэльтакрон»

У Беларусі да восені чакаюць новую хвалю.

Новая хваля каранавіруса стала паднімацца ў краінах Еўропы яшчэ ў разгар лета. У Беларусі яе чакаюць да восені, але ўжо цяпер, як расказала начальніца аддзела гігіены, эпідэміялогіі і прафілактыкі Міністэрства аховы здароўя Беларусі Іна Карабан у нашай краіне фіксуюць рост колькасці хворых на COVID-19.

«Комсомолка» апісала ўсе нюансы аб новых разнавіднасцях каранавіруса – «Кентаўр», «Ніндзя», «Дэльтакрон». Адзін ці некалькі з іх, хутчэй за ўсё, будуць дамінаваць і ў Беларусі восенню 2022 года.

«Кентаўр» (ВА.2.75) – падвід знаёмага нам з вясны амікрона, але больш заразны за яго. Звычайна пераносіцца пацыентамі няцяжка, як звычайнае ВРВІ.

«Ніндзя» (ВА.4 і ВА.5) – таксама належыць да штаму амікрон. Менавіта ён, на думку медыкаў, дамінуе ў суседняй Расеі са жніўня 2022 года.

Сярод яго якасцяў - вельмі хуткае распаўсюджванне і лёгкае праломліванне імуннай абароны арганізма чалавека. Звычайна таксама пераносіцца ў лёгкай форме, тэмпература звычайна не паднімаецца вышэй за 38 градусаў, але можа быць кашаль, галаўны боль і боль у горле, слабасць, кішачныя разлады.

Але некаторыя маскоўскія пацыенты, якія перажылі ковід нядаўна, кажуць аб высокай тэмпературы, якая складана збіваецца, ламаніне ў суставах і болю ў горле, як быццам туды шкла насыпалі.

«Дэльтакрон» - мешанка дэльты, аднаго з самых цяжкіх штамаў на сённяшні дзень, і мікрону, знойдзены зусім нядаўна.

Ці гатовая беларуская медыцына да новай хвалі каранавіруса?