У Салігорскім раёне перакуліўся аўтакран
3- 11.08.2022, 18:39
- 4,962
Загінуў 65-гадовы пасажыр.
У Салігорскім раёне адбылося ДТЗ: кіроўца аўтакрана МАЗ не ўпісаўся ў паварот, і машына перакулілася. 65-гадовы пасажыр загінуў на месцы, кіроўца ў лякарні, паведамляе прэс-служба МУС.
Паводле папярэдняй інфармацыі, аварыя адбылася на 137-м км трасы Менск – Мікашэвічы. Пры павароце налева 19-гадовы кіроўца аўтакрана МАЗ не ўзяў да ўвагі асаблівасці транспартнага сродку, у выніку машына перакулілася.
65-гадовы пасажыр аўтакрана загінуў на месцы здарэння, кіроўца шпіталізаваны.
Паводле гэтага факта праводзіцца праверка.