Лекары назвалі сем сімптомаў «омікрона», якія можна прыняць за нешта іншае

Яны могуць выяўляцца, як асобна, так і ў спалучэнні адзін з адным.

У выпадку заражэння «омікронам» магчымыя не толькі прастудныя сімптомы, якія дазваляюць хутка западозрыць заражэнне, але і іншыя, менш тыповыя праявы, піша medikforum.ru.

Боль у спіне. Адным з сімптомаў «омікрона», якія можна прыняць за нешта іншае, з'яўляецца боль у паясніцы, пра гэта паведаміў брытанскі навуковец, эпідэміёлаг, прафесар Цім Спектар. Спасылаючыся на звесткі прыкладання ZOE Covid Symptom Study, ён заўважыў, што з болем у спіне сутыкаецца прыкладна кожны пяты чалавек, які захварэў на ковід праз інфікаванне новым штамам.

Страта апетыту. Адсутнасць жадання есці ці нават агіда да ежы ўзнікаюць у выніку таго, што арганізм спрабуе «зэканоміць» энэргію, якая выдаткоўваецца на пераварванне ежы, каб накіраваць яе на барацьбу з інфекцыяй.

Начны пот. Начную патлівасць можна прыняць за наступства перагрэву, але брытанскі лекар агульнай практыкі, доктар Амір Хан, дае параду:

«Калі вы нечакана прачынаецеся з відавочнымі слядамі начнога поту на піжаме або пасцельнай бялізне, прайдзіце тэст на магчымае заражэнне каранавірусам»

Млоснасць і дыярэя. Няважнае агульнае самаадчуванне ў спалучэнні з частым наведваннем туалета можна прыняць за харчовае атручванне ці страўнікава-кішачную інфекцыю. Прафесар Цім Спектар, у сваю чаргу, паведаміў у інтэрв'ю, што каранавірус «можа асядаць у кішэчніку, а не ў носе». У гэтым выпадку тэставанне з дапамогай мазка з носа можа паказваць адмоўны вынік, хоць вірус можа знаходзіцца ў кішэчніку доўгі час.

Згуба прытомнасці. Гэты стан выяўляецца дэзарыентацыяй чалавека ў часе прасторы, немагчымасцю ўспомніць аб папярэдніх падзеях, неадэкватнай эмацыйнасцю, запаволенымі рэакцыямі і ўспрыманнем. Цэнтры ЗША ў кантролі і прафілактыцы захворванняў (CDC) канстатуюць, што калі каранавірусная інфекцыя праяўляецца такім чынам, трэба тэрмінова выклікаць медыцынскую дапамогу.

Праблемы з вачыма. Сусветная арганізацыя аховы здароўя (САЗ) называе «раздражненне вачэй» менш распаўсюджаным сімптомам віруса.

Пры гэтым могуць назірацца адзін або камбінацыя наступных сімптомаў:

Чырвоныя вочы.

Сверб у вачах.

Боль у вачах.

Падвышаная святлоадчувальнасць.

Затуманены зрок.