Больш за 40% жыхароў Нямеччыны атрымалі бустэрную дозу вакцыны ад COVID-19

Урад краіны імкнецца дабіцца адзнакі 80 адсоткаў да канца студзеня.

Больш за 40 адсоткаў усяго насельніцтва Нямеччыны атрымалі так званую бустэрную дозу вакцыны ад каранавіруса. Пра гэта паведамляе «Еўрапейская праўда» са спасылкай на Spiegel.

Інстытут Роберта Коха паведаміў аб амаль 33,4 мільёнах узмацняльных прышчэпак.

Для дарослых гэты паказчык складае 47,6 адсотка. Толькі ў аўторак зрабілі прыкладна 480 000 бустэрных прышчэпак. Гэтая трэцяя доза ўважаецца за важную для эфектыўнай аховы ад больш заразнага варыянту «Амікрон».

71,4 адсотка насельніцтва (59,4 млн чалавек) маюць поўную базавую ахову пасля другой ін'екцыі вакцыны. Прынамсі, адну дозу вакцыны атрымалі 74,3 адсотка насельніцтва, ці 61,8 мільёна чалавек. Федэральны ўрад імкнецца дабіцца адзнакі 80 адсоткаў да канца студзеня.

Нагадаем, адразу ў некалькіх федэральных землях Нямеччыны 27 снежня 2021 года былі ўведзеныя жорсткія карантынныя абмежаванні.