The Economist: Пратэсты пачаліся ў вельмі небяспечныя для Пуціна часы

Крэмль баіцца, што пачнецца ланцуговая рэакцыя ва ўсёй Расеі.

У гэтым месяцы споўнілася 20 гадоў як прэзідэнт Барыс Ельцын прызначыў змрочнага кіраўніка службы бяспекі на імя Уладзімір Пуцін прэм'ер-міністрам Расеі. У наступную навагоднюю ноч хворы Ельцын зрабіў экс-агента КДБ сваім пераемнікам. Але ў гадавіну свайго прыходу да ўлады ў Пуціна мала прычын для святкавання, - піша The Economist (пераклад - УНІАН).

10 жніўня, як і ў папярэднія пяць ўікэндаў, расейцы выйшлі на вуліцы патрабаваць допуску апазіцыйных палітыкаў да ўдзелу ў выбарах гарадской Думы Масквы. Бо іх незаконна выключылі з гэтай кампаніі. Са сцягамі Расеі 50-60 тысяч дэманстрантаў запоўнілі шырокія сталічныя вуліцы. "Расея будзе свабоднай", - скандавалі яны падчас найбуйнейшай акцыі пратэсту з 2012 года, калі сябры Пуціна зноў сфальсіфікавалі для яго вынікі галасаванняў.

У гарадской Думы мала ўлады. Але дзёрзкае ўмяшанне ператварыла сумныя мясцовыя выбары ў палітычны крызіс для Крамля. Апазіцыйных палітыкаў у Расеі часта выстаўляюць слабымі. Але гэтым разам у іх былі нядрэнныя шанцы атрымаць месцы.

Пуцін, здаецца, з усіх сіл спрабуе не пусціць сваіх крытыкаў на выбары. Пратэсты пачаліся ў вельмі небяспечныя часы для Пуціна, чый рэйтынг пачаў мізарнець пасля таго, як урад Расеі падняў пенсійны ўзрост.

Ажыўлены апазіцыйны рух засяродзіўся выключна на выбарах гарадской Думы ў Маскве. Але ўдзельнікі пратэстаў выкарыстоўвалі новы імпульс, каб выказаць незадаволенасць карумпаванасцю ўлады і беднасцю. У гэтым месяцы нават расейскае ўрадавае ведамства "Расстат" прызнала, што чвэрць расейскіх дзяцей жывуць у беднасці.

Выданне піша, што небяспека для Пуціна цяпер у тым, што пратэсты ў Маскве могуць запусціць ланцуговую рэакцыю ва ўсёй Расеі. На дзяржаўным форуме на поўдні краіны на гэтым тыдні ўдзельнікі, сярод якіх былі прадстаўнікі маладзёжнай галіны "Адзінай Расеі", выказвалі незадаволенасць карупцыяй і няроўнасцю, якія дагэтуль гучалі толькі ў месцах правядзення апазіцыйных акцый у Маскве. "У нас ёсць толькі адное выйсце - рэвалюцыя. Мы быццам выбухованебяспечны кактэйль. І мы гатовыя падарвацца", - сказала адна з удзельніц форуму.