«Ні дзяцей, ні жонак не пакідаем, усіх звезлі»

Мядзведзі панадзіліся на лецішчы ў Гарадоцкім раёне.

Жыхары Гарадоцкага раёна апошнія гады часта скардзяцца на мядзведзяў, якія не даюць ім спакойнага жыцця, піша tut.by. Гэтым разам пра «тэрор» з боку жывёл паведамляюць дачнікі з вёсак Шпакова і Евіных. «Жывем у лесе, ягады-грыбы пайшлі, але ў лес хадзіць не можам: баімся. Мужыкі пазабіралі з лецішчаў жонак і дзяцей, а самі сядзяць уначы і пільнуюць двары. Але пчальнік ставіць, відаць, сэнсу няма. Я палічыў, мядзведзі ўжо нанеслі мне шкоды на 2,5 тысячы рублёў», - распавядае Віталь Макоўскі. Кажа, што да яго на падворак мядзведзі пастаянна наведваюцца вось ужо два месяцы.

Мясцовыя жыхары бачылі ў акрузе не аднаго мядзведзя, а некалькіх.

- Яны тут ходзяць статкамі! Вытапталі ужо цэлыя сцежкі ў лесе, - эмацыйна распавядае пчаляр з вёскі Шпакова Віталь Макоўскі. - Аднойчы вечарам я бачыў на пчальніку аж пяць штук! А потым - трох, прычым такіх велізарных, што страх Божы! Першы раз заўважылі ў Шпакова «гасцей» з лесу мінулай восенню. Потым было ціха. Думалі, можа, не будуць нас больш трывожыць. Куды там, зноў заўважылі мядзведзяў вясной - як раз на 9 траўня.

Звяры лёгка крышаць агароджы, а хатнія сабакі не могуць абараніць падворка:

- У суседняй вёсцы дачнік зрабіў самавітую агароджу - з металу. Дык мядзведзю было ўсё роўна: узяў і зламаў гэтыя трубы. Нападаюць і на сабак. Мой сабака так моцна спалохаўся, што схаваўся пад зруб, доўга там сядзеў і выў, я забраў яго ў дом, каб супакоіць.

Мядзведзі, са слоў дачніка, зусім не баяцца людзей:

- У траўні зрабілі ў лесе шумавы прагон - а ўначы яны зноў прыйшлі. Ужо не рэагуюць ні на гук петард, ні на шум, ні на сірэны. Я свой пчальнік перанёс практычна пад самае акно дома. Але сусед зрабіў тое ж самае - мядзведзь прыйшоў і пад акно, усе развярнуў. Людзі жывуць са святлом ці ледзь не цэлыя дні. У мяне за месяц нагарэла 250 кілават. Але святло мядзведзяў таксама не палохае.

Віталь Макоўскі палічыў шкоду, якую яму нанеслі жывёлы:

- Выйшла 2,5 тысячы рублёў. Мядзведзі цалкам разбурылі пчальнік, знішчылі вуллі і пчол - а пчаліныя маткі былі дарагія. Ну і з’елі мой мёд.

Са слоў дачнікаў, яны звярталіся са сваёй праблемай у Гарадоцкі райвыканкам.

- Але пакуль ніхто ніякага рашэння не прыняў. Прадстаўнікі ўлады прыедуць, плячыма паціснуць і паедуць. А нам тут далей трэба неяк жыць. Я не ведаю што рабіць. Кідаць лецішчы і з'язджаць? Мы і так там ужо ні дзяцей, ні жонак не пакідаем, усіх звезлі, таму што страшна за іх. Мы, мужыкі, дзяжурым па чарзе. Сёння - я, заўтра - іншы. Заўважылі, што мядзведзі найбольш актыўныя з двух гадзін ночы да паловы на пятую раніцы. Сядзіш і не спіш - глядзіш у абодва, што адбываецца ў двары.

Баяцца людзі хадзіць і ў лес - у грыбы і ягады.

- Жывём у лесе, а баімся туды пайсці. Ну гэта ж таксама няправільна. Атрымліваецца, што ў мядзведзяў правоў больш, чым у людзей.

У Беларусі паляванне на мядзведзяў забароненае з 1930-х гадоў. Жывёла было ўключаная ў 1-е (1981) і 2-е (1993 г.) выданне Чырвонай кнігі краіны.

Паводле звестак улікаў 2000-2002 гадоў, колькасць мядзведзя прыблізна ацэньвалася ў 100-110 асобін. Найбольшая (25-35 асобін) групоўка мядзведзя трымалася на тэрыторыі Бярэзінскага біясфернага запаведніка і прылеглых да яго лясгасаў.