Генетык даў сем простых парад, якія палепшаць сон

Гэтыя рэкамендацыі паўплываюць і на самаадчуванне на працягу дня.

Усе ведаюць, што паўнавартасны сон – важны для здароўя. Між іншым, калі доўгі час спаць менш за 7-9 рэкамендаваных гадзін, то вы не проста будзеце не ў настроі. Гэта можа знясіліць арганізм.

Чаму сон важны для арганізма і што адбудзецца пры яго дэфіцыце – распавядае rbc.ua.

Як сон уплывае на арганізм

Экспэрты нагадваюць: сон – гэта магчымасць ачышчэння мозгу ад разнастайных рэчываў, якія назапасіліся там у працэсе актыўнай жыццядзейнасці мільярдаў нервовых клетак.

Між іншым, украінскі патафізіёлаг і генетык Віктар Дасенка кажа, што, калі такія нервовыя клеткі пачынаюць актыўна працаваць, яны ствараюць вакол сябе шмат розных пашкоджаных бялкоў і малекул. Яны знікаюць падчас сну шляхам спецыяльнай дрэнажнай сістэмы – глімфатычнай.

Патафізіёлаг дадае, што 90% працы глімфатычнай сістэмы адбываецца падчас сну. Гэта значыць глімфатычная сістэма – гэта як клінінгавая кампанія, якая выконвае сваю працу ўначы.

- Гэта такое дадатковае навуковае тлумачэнне, чаму нам сон патрэбен. Гэтая сістэма не так даўно апісана, яна дае адказ на многія пытанні, чаму ў людзей і ў жывёл пры адмове ад сну парушаецца перш за ўсё псіхічнае здароўе, узнікае дэпрэсія, – кажа Дасенка.

Чаму не ўдаецца заснуць

Спецыяліст адзначае, што пазбаўленне чалавека сну – гэта жахлівае катаванне. Людзі, якія праз прафесійныя асаблівасці не могуць спаць уначы ці ў іх недахоп начнога сну, маюць больш высокую рызыку ўзнікнення пэўных захворванняў, звязаных са стрэсам.

Таксама фаза хуткіх рухаў вачэй з'яўляецца вырашальнай і найбольш кароткай падчас нашага сну. Гэта значыць можна праспаць 10 гадзін, але калі на працягу гэтых 10 гадзін не было гэтай фазы, высыпання не будзе.

Калі чалавек не можа заснуць праз стрэс, то варта паспрабаваць фізічныя нагрузкі перад сном.

- Інтэнсіўная фізічная нагрузка дазваляе больш эфектыўна выкарыстоўваць час, які ёсць на гэты сон. Важная нагрузка на мышцы ног, – дадае спецыяліст.

Як палепшыць сон

Для таго, каб палепшыць свой сон і адчуваць сябе лепш, навуковец раіць прытрымлівацца наступных парад:

- адкладзіце смартфон і не гледзіце ў экран прынамсі за 30 хвілін да сну,

- не ўжывайце цяжкую ежу і алкаголь перад сном,

- не ўжывайце каву за 6 гадзін да сну,

- Прагулкі і медытацыі станоўча ўплываюць на паляпшэнне сну,

- праветрыце памяшканне і засынайце пры невысокай тэмпературы паветра ў цемры і цішыні,

- старайцеся не нагружаць сябе непатрэбнымі думкамі ў ложку,

- кладзіцеся спаць у адзін і той жа час кожны дзень.