Януковіча абвінавацілі ў зрыве пагаднення Украіны з ЕЗ

Украінская апазіцыя мяркуе, што Віктар Януковіч не хоча падпісання пагаднення паміж Кіевам і Брусэлем.

Лідар фракцыі Батьківщина Арсеній Яцэнюк мяркуе, што байкот дэпутатамі ад Партыі рэгіёнаў пасяджэння профільнага камітэта, які павінен быў разгледзець законапраекты аб справе Юліі Цімашэнкі, накіраваны на зрыў падпісання Пагаднення аб асацыяцыі паміж Украінай і ЕЗ, піша «Корреспондент».

«Байкот пасяджэння камітэта з боку Партыі рэгіёнаў азначае адно - ні ПР, ні Віктар Януковіч не хочуць падпісання пагаднення паміж Украінай і Еўрапейскім Звязам», - сказаў ён.

Ён думае, што персанальную адказнасць за развязанне пытання Цімашэнкі і лёс асацыяцыі з ЕЗ нясе прэзідэнт Віктар Януковіч, які павінен даць даручэнне дэпутатам ад ПР прыйсці на пасяджэнне камітэта, прагаласаваць за якую-небудзь пастанову аб пытанні Цімашэнкі на камітэце і потым у сесійнай зале.

Яцэнюк нагадаў, што апазіцыйныя фракцыі маюць намер падтрымаць законапраект дэпутаткі Анжалікі Лабунскай аб дазволе на лячэнне зняволеных за мяжой на пастанову суда з адначасовым вызваленнем асуджанага ад адбыцця пакарання.

З ягоных слоў, у выпадку калі пытанне Цімашэнкі не будзе развязанае, асацыяцыя з ЕЗ не будзе падпісаная. «Я яшчэ раз звяртаюся да дзейнага прэзідэнта - гаворка ідзе пра лёс краіны. Ад яго асабістай пастановы залежыць, ці будзе ў Вільні падпісанае пагадненне», - дадаў лідар фракцыі і заклікаў Януковіча паставіць кропку ў «ганебнай гісторыі палітычных пераследаў».

Нагадаем, што паседжанне камітэта, на якім планавалі разгледзець законапраекты аб справе Цімашэнкі, а не сабрала патрэбнага кворуму. У камітэт уваходзіць 17 народных дэпутатаў, для правядзення пасяджэння на ім павінны прысутнічаць не менш за дзевяць, але былі толькі сямёра, а дзевяць чальцоў камітэта ад ПР, а таксама прадстаўнік КПУ, на паседжанне не з'явіліся.