МЗС Літвы: Ёсць новая інфармацыя пра затрыманне Банкаўскаса
4- 24.08.2010, 14:49
Кіраўнік МЗС пацвердзіў, што валодае новай інфармацыяй аб затрыманым, але сказаў, што не раскажа пра яе.
З Беларусі атрымліваюць новую інфармацыю аб затрыманым ротным камандзіры муніцыпальнай коннай паліцыі Вільні Лаймонасе Банкаўскасе, паведаміў міністр замежных спраў Літвы Аўдронюс Ажубаліс, паведамляе ru.DELFI.lt.
Кіраўнік МЗС пацвердзіў, што валодае новай інфармацыяй аб затрыманым, але сказаў, што не раскажа пра яе. «Ёсць, але не скажу», - адрэзаў Ажубаліс, адказваючы на пытанне, ці ёсць новая інфармацыя пра Банкаўскаса.
Як ужо паведамлялася, Банкаўскас быў затрыманы 16 жніўня на Ашмянскім КПП. Сцвярджаюць, што ў машыне паліцыянта было 45,5 г амфетаміну.
Начальнік Цэнтра інфармацыі і грамадскіх сувязяў (ЦІГС) КДБ Беларусі Аляксандр Антановіч паведаміў агенцтву, што матэрыялы крымінальнай справы ротнага камандзіра коннай паліцыі Віленскага камісарыята Лаймонаса Банкаўскаса 19 жніўня перададзеныя ва ўпраўленне КДБ па Гродзенскай вобласці. Антановіч 20 жніўня адзначыў, што тэрмін утрымання пад вартай Банкаўскаса падоўжаны да 10 сутак.
