Тэрмін затрымання Банкаўскаса падоўжаны на два месяцы

Сёння было прынята рашэнне падоўжыць тэрмін затрымання ротнага камандзіра муніцыпальнай коннай паліцыі Вільні яшчэ на два месяцы.

Чыноўнік высокага рангу Віленскай паліцыі быў затрыманы ў Беларусі па падазрэнні ў кантрабандзе наркотыкаў, нагадвае ru.DELFI.lt.

«Мы атрымалі пакуль яшчэ афіцыйна не пацверджаныя дадзеныя аб тым, што тэрмін затрымання падоўжаны на два месяцы», - сказаў сёння амбасадар Літвы ў Беларусі Эдмінас Багдонас.

Ротны камандзір муніцыпальнай коннай паліцыі пры Віленскім галоўным камісарыяце Лаймонас Банкаўскас быў затрыманы ля мяжы Беларусі і Літвы з наркотыкамі. Паведамляецца, што ў аперацыі па яго затрыманню ўдзельнічалі не толькі супрацоўнікі мытні, але і супрацоўнікі КДБ.

Паводле папярэдніх дадзеных, Банкаўскасу прад'яўленыя абвінавачанні па 228 артыкуле КК Беларусі - кантрабанда наркотыкаў. За гэта чыноўніку, калі ён дзейнічаў адзін, пагражае пазбаўленне свабоды тэрмінам ад 3 да 7 гадоў.