«Хопіць карміць ілюзіі»: генерал Гурулёў заявіў пра тупік арміі РФ
10- 2.06.2026, 14:45
- 6,812
Магчыма мабілізацыя.
Восенню ў Расіі можа быць абвешчаная новая мабілізацыя з-за цяжкай сітуацыі на ўкраінскім фронце, правалу зімова-вясновага наступу і вялікіх стратаў, заявіў дэпутат Дзярждумы Андрэй Гурулёў, у мінулым — член камітэта па абароне і бяспецы, піша The Moscow Times.
«Цяпер у кулуарах і высокіх кабінетах актыўна пайшлі размовы пра неабходнасць новай маштабнай мабілізацыі. Больш за тое, людзі, якія ведаюць, кажуць, што прынцыповае рашэнне з гэтай нагоды ўжо прынята, і яна адбудзецца восенню», — напісаў Гурулёў.
Паводле ягоных слоў, такое рашэнне, праўда, «не прывядзе да прарыву», калі не будзе вырашаная праблема дронаў ЗСУ, якія «разбіраюць пяхоту» на падступах, не даюць «падняць галовы» штурмавым групам і «літаральна завалілі» сабой і перадавую, і бліжні тыл. «Мы проста атрымаем кратнае павелічэнне ахвяр», — прагназуе Гурулёў.
Ён таксама звяртае увагу на сітуацыю ў Крыме, дзе ўзнік дэфіцыт бензіну, і на атакі БПЛА на трасе «Наварасія», якая прызваная забяспечваць паўвостраў па сушы. «Супрацьнік дзейнічае нахабна, спрабуючы адрэзаць паўвостраў і нашы паўднёвыя групоўкі ад паставак паліва», — абураецца Гурулёў.
Паводле яго, прасоўванне на фронце «па сутнасці, спынілася», а «СВА канчаткова перайшла ў фармат найжорсткага пазіцыйнага тупіку», які з’яўляецца «прадвеснікам знясілення, калі своечасова не перахапіць ініцыятыву».
«Хопіць карміць ілюзіі, што «вось-вось прарвёмся». Гэтага не будзе, пакуль кардынальна не зменім падыход, — заклікае Гурулёў. — Мы абавязаныя перабудаваць кіраванне і, галоўнае, жорстка спытаць з тых, хто праваліў бяспеку трасы «Наварасія», каб іншым і ў галаву не прыйшло халтурыць у такіх пытаннях».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
