У Мінску прадаюць незвычайную кватэру з вінтажным інтэр'ерам

Аднапакаёўка выглядае, як дэкарацыя да фільма пра 70-я.

Кватэры ў старых дамах сёння прынята асучасніваць, рабіць у іх рамонт на новы лад. Часам гэта проста неабходна. Але ў старым жыллёвым фондзе можна знайсці і сапраўдныя жамчужыны — кватэры, інтэр'еры ў якіх выглядаюць прыгожа, аўтэнтычна і дакладна не патрабуюць абнаўлення. Іх прывабнасць — якраз у ўнікальным вінтажным вайбе. Адна з такіх знойдзена на вуліцы Кальцова ў Мінску, піша Onlíner.

Кватэра размешчана на 9-м паверсе цаглянага дома. Вышэй — толькі тэхнічны паверх. Сам будынак 1974 года пабудовы.

— Цагляныя сцены спрыяюць захаванню цяпла і зніжэнню ўзроўню вонкавага шуму, суседзяў не чуваць. Тамбур на дзве кватэры, чысты пад'езд, дагледжаная прыдамовая тэрыторыя, ціхі раён, — адзначае рыэлтар.

Аднапакаёўка невялікая — усяго 33,7 кв. м. Планіроўка:

Рыэлтар піша, што рамонт у кватэры добры:

— Планіроўка практычная і дазваляе рацыянальна выкарыстоўваць прастору без стратаў карыснай плошчы. Заскленая лоджыя значна павялічвае карысную прастору. Выкананы добры рамонт у кватэры: падлогавае пакрыццё ў жылым пакоі — паркет, сцены абклеены шпалерамі, столь выраўнаваная і пафарбаваная, устаноўлены драўляныя шклопакеты. Санвузел раздзельны, сцены абліцаваныя пліткай у добрым стане. Усталяваныя жалезныя ўваходныя дзверы. Такі стан дазваляе выкарыстоўваць аб'ект без дадатковых выдаткаў на першаснае добраўпарадкаванне.

Але цікавасць у гэтым аб'екце выклікае не добры рамонт, а менавіта гатовы інтэр'ер. Здаецца, пакоі абстаўляла жаночая рука — настолькі акуратна і міла ўсё выглядае. Прыблізна такая каляровая гама прасочваецца ў кватэрах, якія часам мільгаюць у кіно пра заходнія 70-я. Каляровыя шпалеры, глыбокія адценні на сценах, вясёлая плітка, акруглыя формы мэблі — усё гэта стварае пэўны вінтажны настрой.

Таксама відаць, што былы ўладальнік захапляўся пакупкай вінтажных або рарытэтных рэчаў. На кухні шмат савецкага посуду, паліцы ў перадпакоі заставленыя старымі тэлефонамі.

Кошт вясёлай кватэры з характарам — $79 900.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]