Настаўніца замежнай літаратуры абвергла папулярны міф пра Пушкіна

Ці ёсць у рускай культуры хоць што-небудзь сваё?

Украінская настаўніца замежнай літаратуры Аліна Мец абвергла міф пра самабытную творчасць рускага пісьменніка Аляксандра Пушкіна. Яна адзначае, што сюжэты для сваіх твораў паэт ствараў не сам, а запазычваў у папярэднікаў.

Свае разважанні з гэтай нагоды яна выклала ў сацсетцы TikTok. Настаўніца патлумачыла, якія менавіта творы Пушкін узяў за аснову, і назвала яго майстрам плагіяту.

Так, настаўніца адзначае, што сюжэт для свайго вядомага твора «Казка пра рыбака і рыбку» расійскі паэт узяў у братоў Грым.

«Забудзьцеся пра рускі каларыт, таму што гэтая казка з'яўляецца калькай з нямецкай казкі братоў Грым «Пра рыбака і яго жонку», «Мёртвая царэўна» — гэта іх жа «Беласнежка», — тлумачыць Аліна Мец.

Адзначым, што рускі пісьменнік узяў за аснову празаічны твор і стварыў вершаваную казку, крыху змяніўшы сюжэт — у казцы братоў Грым гаворка ідзе пра рыбу камбалу, тады як у Пушкіна — залатая рыбка; таксама Пушкін у свой твор дадаў эпізоды з карытам, чаго не было ў арыгінале.

Настаўніца адзначае, што «Залаты певень» Пушкіна цалкам, аж да дэталяў сюжэту, спісаны з навелы амерыканца Вашынгтона Ірвінга, а «Цар Салтан» пазычаны ў італьянца Карла Гоццы. Таксама ў паэме «Яўгеній Анегін» Пушкін увасобіў ідэі англійскага пісьменніка Джорджа Байрана.

Аліна Мец кажа, што рускі пісьменнік запазычваў сюжэты не толькі паэтычных твораў, але і гістарычнай прозы. Так, напрыклад, «Капітанская дачка» напісана паводле ідэй Вальтэра Скота.

«Ці ёсць у той культуры хоць што-небудзь сваё?» — рытарычна пытаецца настаўніца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]