Мінадукацыі Беларусі будзе накіроўваць студэнтаў і прафесараў у Паўночную Карэю

На стажыроўку.

У Міністэрстве адукацыі паведамілі пра накіраванне беларускіх студэнтаў у Паўночную Карэю, піша БелТА.

Як расказаў міністр адукацыі Беларусі Андрэй Іванец, падчас афіцыйнага візіту дыктатара Беларусі ў КНДР галіновыя ведамствы падпісалі пагадненне аб супрацоўніцтве ў сферы адукацыі з гэтай краінай.

— Прадбачваецца абмен і падрыхтоўка студэнтаў, правядзенне стажыровак прафесарска-выкладчыцкага складу, — расказаў міністр.

Таксама Іванец звярнуў увагу на тое, што цяпер даволі вялікая колькасць грамадзян КНДР навучаецца ў Кітаі і Расіі. А ў часы СССР шмат студэнтаў з Паўночнай Карэі навучаліся і ў Беларусі.

— Мы ўпэўненыя, што гэты патэнцыял павінен быць раскрыты, — адзначыў ён.

І, падсумоўваючы, дадаў, што ў КНДР існуе патрэба ў падрыхтоўцы інжынерных кадраў, спецыялістаў у сферы АПК і па натуральна-навуковых напрамках.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]