Былы супрацоўнік ГУБАЗіК трапіў за краты

У атрад з палітычнымі.

Былы супрацоўнік ГУБАЗіК Станіслаў Крук асуджаны па карупцыйным артыкуле і адбывае пакаранне ў ПК-3 Віцебска. Пра затрыманне і суд над экс-сілавіком публічна не паведамлялася. Былыя зняволеныя расказалі «Зеркалу» падрабязнасці знаходжання Крука ў калоніі.

Станіславу Круку 33 гады. Раней ён лічыўся ў спісах супрацоўнікаў ГУБАЗіК. Колькі часу ён там працаваў і чым канкрэтна займаўся — невядома.

Да гэтага на працягу некалькіх гадоў Крук працаваў інспектарам у аддзеле па грамадзянстве і міграцыі Першамайскага РУУС Мінска. У студзені 2020 года ён прадстаўляў гэтую арганізацыю на сустрэчы са студэнтамі БДАТУ.

Пра затрыманне Крука і суд над ім публічна не паведамлялася. У ягоны акаўнт VK ніхто не заходзіў з чэрвеня 2023 года. Падрабязнасцей пра справу экс-сілавіка мала. Былыя палітвязні, якія перасякаліся з ім за кратамі, узгадвалі карупцыйныя артыкулы. Адзін з іх назваў тэрмін — дзевяць гадоў.

Восенню 2023 года Крук трапіў у атрад папраўчай калоніі № 3 у Віцебску. З студзеня 2024 года ПК-3 пачала лічыцца месцам яго працы, вынікае з афіцыйных дадзеных, атрыманых «Зеркалам» пры дапамозе «Кіберапартызанаў».

«Паспрабуй-ка мяне пабіць прама цяпер»

Паводле слоў аднаго з былых зняволеных, у калоніі «увесь атрад ведаў», што Крук з ГУБАЗіК. Ужо ў першыя дні гэта ледзь не стала прычынай сутычкі, расказаў іншы суразмоўца. Тады адзін з палітычных звярнуўся да экс-сілавіка з пытаннем: «Звязаных людзей біць было добра? А паспрабуй-ка мяне пабіць прама цяпер». Мужчыны рушылі адзін на аднаго, аднак іншыя зняволеныя ўмяшаліся і разцягнулі іх.

За кратамі Крук з першых дзён пачаў супрацоўнічаць з адміністрацыяй калоніі: «Адразу ў актыў, адразу завербаваўся да аператыўнікаў». Дастаткова хутка экс-сілавік стаў брыгадзірам «разборкі» — прадпрыемства па разборцы металу, дзе прымусова працуюць зняволеныя. Таксама ён выконваў функцыі дзяжурнага ў сваім атрадзе.

— Найгоршае ў ім тое, што ён яшчэ не разумее, што яго выкінулі з сістэмы і яму трэба перабудоўвацца. Трымаецца пыхліва ў адносінах да палітычных. Відаць, што нарабіў спраў у 2020-м, хоць кажа, што юрыстам быў, тыпу звычайным, — расказаў «Зеркалу» былы палітвязень Ігар.

Паводле слоў вызваленых з ПК-3, Крук «здаваў усіх». У атрадзе гэта разумелі і не надта яго любілі. Два чалавекі ўзгадалі дружалюбныя жэсты і рэплікі з яго боку, але пры гэтым характарызавалі яго як чалавека «бяспрынцыповага» і «небяспечнага».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]