HBO паказала першы трэйлер серыяла «Гары Потэр»

Трэйлер прысвечаны першай кнізе серыі «Гары Потэр і філасофскі камень».

Кінакампанія HBO прадставіла першы трэйлер новага серыяла «Гары Потэр». Першы сезон пачне выходзіць на каталіцкае Божае Нараджэнне 2026 года — 25 снежня.

Трэйлер мае назву «Гары Потэр і філасофскі камень» — паводле першай кнігі гэтай серыі. У роліку паказалі асноўныя элементы гэтай часткі — прыёмную сям'ю Гары — сямейства Дурслі, знаёмства з Хагрыдам, Ронам і Герміёнай, паездку на Хогвартс-экспрэсе, размеркавальны капялюш, квідыч, настаўніка Северуса Снэйпа, дырэктара Альбуса Дамблдора і іншых персанажаў.

Серыял «Гары Потэр» стварае кампанія Warner Bros., HBO — яе падраздзяленне. Ён будзе зняты паводле сямі кніг пісьменніцы Джоан Роўлінг: «Гары Потэр і філасофскі камень», «Гары Потэр і Пакой таямніц», «Гары Потэр і вязень Азкабана», «Гары Потэр і Кубак агню», «Гары Потэр і Ордэн Фенікса», «Гары Потэр і Прынц-паўкроўка» і «Гары Потэр і Дары Смерці». Роўлінг таксама з'яўляецца выканаўчай прадзюсаркай. Усяго плануецца выпусціць сем сезонаў, кожны з якіх будзе прысвечаны адной з кніг.

Гары Потэра ў новым серыяле сыграе Домінік Маклафлін, Герміёну Грэнджэр — Арабэла Стэнтан, а Рона Уізлі — Аластар Стоўт. Роўлінг ухваліла адабраных акцёраў.

Здымкі серыяла праходзілі на студыі Warner Bros. Leavesden, размешчанай у Вялікабрытаніі. Кіраўніцай праекта выступае Франчэска Гардынер, а рэжысёр Марк Майлод паставіць некалькі эпізодаў. У ролі выканаўчых прадзюсараў задзейнічаны Роўлінг, Ніл Блэр, Рут Кэнлі-Леттс і Дэвід Хэйман.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]