Уладзімір Зяленскі: Жыве Беларусь!

Прэзідэнт Украіны павіншаваў беларусаў з Днём Волі па-беларуску.

Прэзідэнт Украіны Уладзімір Зяленскі апублікаваў у сацсетцы Х віншаванне беларусаў з галоўным нацыянальным святам — Днём Волі. І зрабіў гэта па-беларуску.

«Сёння дзень, які ведае кожны беларус, — Дзень Волі. І гэта дзень народа, які яшчэ павінен высцярпець і здабыць для сябе сапраўдную незалежнасць і рэальную бяспеку.

Беларусь прайшла няпростыя павароты гісторыі, і тое, што ўвагі Еўропы для Беларусі не хапіла ў ключавыя моманты, — гэта факт. Але Беларусь нельга губляць. І дакладна не варта пакідаць без увагі народ Беларусі.

Тое, што Лукашэнка выбраў менавіта гэты дзень для паездкі ў Пхеньян — падалей ад свайго народа і пабліжэй да сваёй мары пра пажыццёвую сямейную ўладу, — вельмі красамоўна сведчыць пра яго намеры.

Еўропа — гэта супольнасць свабодных народаў. Тут не павінна быць месца спадчынным дыктатурам. Тут не павінна быць месца рэжымам, якія зарабляюць на гандлі суверэнітэтам і на дапамозе ў тэрыры і агрэсіях.

Свету патрэбны мір. А значыць, свабода патрэбная ўсім еўрапейскім народам без выключэння. Жадаем волі беларускаму народу і дзякуем тым беларусам, якія стаяць побач з украінцамі ў абароне ад расійскай агрэсіі.

Жыве Беларусь!», — напісаў Уладзімір Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]