Bloomberg раскрыў 15 пунктаў мірнага плана ЗША для Ірана

ЗША прапанавалі Ірану адмовіцца ад блакады праліва і ядзернай зброі.

ЗША перадалі Ірану план завяршэння вайны з 15 пунктаў, сярод якіх 12 складаюць амерыканскія патрабаванні, а яшчэ тры — прапановы наконт таго, што Тэгеран атрымае ўзамен за іх выкананне. Пра гэта піша Bloomberg са спасылкай на крыніцы.

Агенцтва коратка пераказала 15 пунктаў плана:

1. Армузскі праліў застанецца адкрытым і будзе свабоднай зонай для суднаў.

2. Колькасць і далёкасць дзеяння балістычных ракет Ірана будуць абмежаваныя.

3. Іранскія ракеты будуць прызначаныя выключна для выкарыстання ў мэтах самаабароны.

4. Іран павінен быць пазбаўлены ўсіх ядзерных магчымасцяў і аб’ектаў.

5. Іран адмовіцца ад ядзернай зброі.

6. Узбагачэнне ўрану на тэрыторыі Ірана ажыццяўляцца не будзе.

7. Запасы высокаўзбагачанага ўрану Ірана будуць перададзеныя Міжнароднаму агенцтву па атамнай энергіі паводле ўзгодненага графіка.

8. Атамныя палігоны ў Фордо, Ісфахане і Натанзе будуць выведзеныя з эксплуатацыі і дэмантаваныя.

9. Іран абавязваецца забяспечыць поўную ядзерную празрыстасць і праводзіць адпаведныя незалежныя інспекцыі.

10. Іран адмовіцца ад стратэгіі падтрымкі тэрарыстычных груп, што дзейнічаюць праз сваіх праксі.

11. Іран спыніць фінансаванне і падтрымку падобных груп.

12. Іран абвесціць пра спыненне вайны.

13. Санкцыі супраць Ірана будуць знятыя.

14. ЗША акажуць Ірану дапамогу ў развіцці грамадзянскай ядзернай энергетыкі на аб’екце ў Бушэры.

15. Механізм аднаўлення санкцый будзе спынены.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]