У гомельскім СІЗА адбыўся суіцыд
4- 25.03.2026, 14:35
- 5,178
Там утрымліваецца шмат палітвязняў.
У гомельскім СІЗА на вуліцы Кніжнай, паводле непацверджанай інфармацыі, адбыўся суіцыд, паведамляе выданне «Штодзень» са спасылкай на крыніцы.
Паводле звестак неафіцыйных крыніц, чалавек знаходзіўся ў адзіночнай камеры (ШІЗА) і скончыў жыццё самагубствам, выкарыстаўшы ўласнае адзенне. У СІЗА ўтрымліваецца значная колькасць «палітычных», у тым ліку затрыманых па так званай «справе Гаюна».
Пасля інцыдэнту адміністрацыя увяла дадатковыя строгія меры бяспекі і абмежаванні, каб прадухіліць падобныя выпадкі. Абстаноўка ў ізалятары застаецца напружанай.