Электрамабілі Volkswagen будуць мець запас ходу ў 1000 кіламетраў

Дзякуючы прарыўнай батарэі.

Цвёрдацельныя батарэі распрацавала кітайская кампанія Gotion High-Tech, 25% якой належыць канцэрну Volkswagen. Яны ўжо фактычна гатовыя да масавай вытворчасці, паведамляе сайт CarNewsChina.

Gotion High-Tech падрыхтавала выпрабавальную канвеерную лінію для зборкі новых батарэй магутнасцю 0,2 ГВт∙ч і пачала распрацоўку больш буйной лініі на 2 Гвт∙ч. З канца 2026 года цвёрдацельныя батарэі пачнуць усталёўваць на асобныя электрамабілі, а да запланаваных аб'ёмаў вытворчасці плануюць выйсці да 2030 года.

Цвёрдацельныя акумулятары Gotion маюць шчыльнасць энергіі на ўзроўні 350 Вт∙ч на кг, што на 40% больш, чым у літый-іённых батарэй тыпу NMC. Гэта забяспечыць электрамабілям Volkswagen запас ходу ў 1000 км.

Да таго ж цвёрдацельныя батарэі лёгка пераносяць тэмпературы ад -40 да +80°C, то-бок не надта губляюць зарад на марозе і не занадта адчувальныя да перагрэву. У экстрэмальным тэсце акумулятары разагравалі да +200°C і праколвалі сталёвым шыпом таўшчынёй 3 мм, і яны не загараліся.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]