Журналістка Кацярына Андрэева выйшла на свабоду

За кратамі яна правяла больш за пяць гадоў.

Журналістка Кацярына Андрэева чакае дэпартацыі з Беларусі ў Літву, паведамляе «Вясна».

Журналістка «Белсата» была арыштаваная 15 лістапада 2020 года, калі яна разам з Дар'яй Чульцовай вяла стрым з «Плошчы Перамен» у Мінску, дзе праходзіў марш памяці Рамана Бандарэнкі. Сілавікі затрымалі абедзвюх журналістак.

Пасля сямі сутак адміністрацыйнага арышту Кацярыну так і не выпусцілі на свабоду і перавялі ў ізалятар у Жодзіне. 18 лютага 2021 года яе асудзілі на два гады пазбаўлення волі паводле арт. 342 Крымінальнага кодэкса — за «арганізацыю і падрыхтоўку дзеянняў, што груба парушаюць грамадскі парадак».

10 лютага 2022 года Андрэеву перавялі з папраўчай калоніі №4 у гомельскі СІЗА, дзе супраць яе ўзбудзілі новую крымінальную справу — паводле арт. 356 КК за «здраду дзяржаве».

4 ліпеня 2022 года яе справу разглядалі ў Гомельскім абласным судзе ў закрытым рэжыме, і ўжо 13 ліпеня ёй вынеслі прысуд: 8 гадоў і 3 месяцы пазбаўлення волі ва ўмовах ўзмоцненага рэжыму. Апеляцыйная скарга, разгледжаная 20 верасня, не змяніла прысуду.

У кастрычніку 2022 года журналістку этапавалі ў гомельскую ПК №4. МУС уключыла яе ў спіс «экстрэмістаў».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]