Расійскі знішчальнік парушыў паветраную прастору НАТА

Су-30 увайшоў у паветраную прастору Эстоніі і не рэагаваў на каманды мясцовых дыспетчараў.

Расійскі знішчальнік Су-30 парушыў паветраную прастору Эстоніі і не рэагаваў на каманды мясцовых дыспетчараў.

Пра гэта паведамляе ERR.

Зазначаецца, што ў сераду, 18 сакавіка, у другой палове дня ў раёне вострава Вайндлоо ў паветраную прастору Эстоніі ўвайшоў расійскі знішчальнік Су-30, які знаходзіўся ў ёй каля хвіліны.

На парушэнне паветранай мяжы адрэагавала падраздзяленне ВПС Італіі, дыслакаванае ў Эмары ў межах місіі НАТА па ахове паветранай прасторы краін Балтыі.

Паводле дадзеных ВПС Эстоніі, у расійскага знішчальніка не было плана палёту і двухбаковай радыёсувязі з эстонскай службай аэранавігацыі.

На фоне інцыдэнту Міністэрства замежных спраў Эстоніі выклікала часовага паверанага ў справах Расійскай Федэрацыі, каб выказаць пратэст і ўручыць ноту ў сувязі з парушэннем паветранай прасторы.

У Таліне дадаюць, што гэта першае парушэнне паветранай мяжы Эстоніі лятальным апаратам Расійскай Федэрацыі ў гэтым годзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]