З карты Беларусі знікла яшчэ адна вёска

Другая за месяц.

Спіс вёсак Беларусі скараціўся яшчэ на адзін населены пункт, паведамілі ў прэс-службе «Белгеадэзіі».

Нядаўна афіцыйна спыніла сваё існаванне вёска Саладоўня Круглянскага раёна Магілёўскай вобласці. Населены пункт знаходзіўся каля трасы Р77 Шклоў — Бялынічы. Паводле даных перапісу 1999 года, у Саладоўні жылі шэсць чалавек, у 2009 годзе — заставаліся ўсяго два жыхары. З 2019 года вёска пуставала.

Крыху раней, на пачатку лютага, аналагічнае рашэнне было прынятае адносна вёскі Бель у Лёзненскім раёне Віцебскай вобласці.

«Як правіла, населеныя пункты скасоўваюць, калі ў іх не застаецца пастаянных жыхароў. Людзі перабіраюцца ў гарады ў пошуках працы і камфорту, а пустэючыя вёсачкі паступова губляюць сваё гаспадарчае і сацыяльнае значэнне», — растлумачылі ў «Белгеадэзіі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]