Як Карпенкоў падставіў Лукашэнку

Развеяны ўлюбёны міф беларускіх уладаў.

За мінулы год у Беларусі было размініравана «каля 520 дронаў». Пра гэта расказаў у інтэрв’ю ўласнай прэс-службе камандуючы ўнутранымі войскамі МУС Мікалай Карпенкоў, піша «Салідарнасць».

Задача ў генерал-маёра была простая і зразумелая: да чарговай гадавіны з дня ўтварэння ўнутраных войскаў пахваліць сваіх падначаленых. Вось і ўражваў лічбамі: маўляў, беларускія сапёры за год абясшкодзілі 27 тысяч выбуханебяспечных прадметаў, праявілі мужнасць пры выкананні задач па размініраванні, якіх «асабліва шмат у Гомельскай вобласці», атрымалі 12 медалёў за гераізм. У прыватнасці, размініравалі 520 дронаў, «з іх, атрымліваецца, кожны трэці — баявы».

Але тым самым Карпенкоў толькі падставіў Аляксандра Лукашэнку, які шмат гадоў запэўнівае, што «галоўны прыярытэт Беларусі — мірнае неба над галавой», і літаральна сёння пажадаў яго ў тым ліку вайскоўцам і ветэранам унутраных войскаў.

Дык што ж гэта за мірнае неба, у якім, паводле простых падлікаў, штотыдзень даводзіцца збіваць (ці яны самі падаюць) і размініраваць у сярэднім па 10 дронаў?

Калі з больш як пяці соцень дронаў кожны трэці — баявы, дык астатнія «мірныя»? Тады навошта іх размініраваць?

І нарэшце, як пасля такіх прызнанняў беларусы могуць верыць заявам афіцыйных асобаў пра тое, што насельніцтва, як і БелАЭС ды іншыя стратэгічныя аб’екты, у бяспецы?

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]