Давер да Зяленскага ва Украіне вырас

Апублікаваныя свежыя даныя пра рэйтынг.

Давер да прэзідэнта Украіны Уладзіміра Зяленскага вырас на 9% у параўнанні з лютым. На пачатку сакавіка яго падтрымліваюць 62% апытаных.

Пра гэта паведамляе РБК-Украіна са спасылкай на вынікі апытання Кіеўскага міжнароднага інстытута сацыялогіі.

З 62%, якія давяраюць Зяленскаму, 28% «цалкам» давяраюць прэзідэнту, а большасць (34%) — «хутчэй» давяе. Пры гэтым яму не давяраюць 32% рэспандэнтаў.

Узровень даверу да прэзідэнта адчувальна знізіўся паміж канцом студзеня і сярэдзінай лютага — з 61% да 53%. Тады ж з 33% да 41% павялічылася колькасць тых, хто яму не давяраў.

Найбольшае падзенне даверу адбылося сярод грамадзянаў, якія былі гатовыя ўхваліць вывад украінскіх войскаў з Данбасу ў абмен на гарантыі бяспекі.

У прыватнасці, сярод тых, хто згаджаўся на такое патрабаванне, давер паміж канцом студзеня і сярэдзінай лютага знізіўся з 30% да 23%.

«Сярод тых, хто неахвотна, але згаджаўся — з 58% да 43%, а сярод тых, хто меў няпэўнае стаўленне — з 59% да 42%. Затое сярод тых, хто катэгарычна адхіляў такую прапанову, давер складаў 68% напрыканцы студзеня і 64% у сярэдзіне лютага, то-бок амаль без зменаў», — адзначылі ў КМІС.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]