Мінскай установе «нечакана» скарацілі рэжым працы

Давядзецца закрывацца ў «дзіцячы» час.

Дырэктар аднаго са сталічных начных клубаў на прыёме ў памочніка Аляксандра Лукашэнкі — інспектара па Мінску Юрыя Фролава — папрасіў пакінуць ранейшы рэжым працы ўстановы да 6 гадзін раніцы. Але яму адмовілі з-за крымінальнай абстаноўкі, паведамляе агенцтва «Мінск-Навіны».

Дырэктар сталічнага начнога клуба звярнуўся з просьбай пакінуць ранейшы рэжым працы ўстановы — з 23.00 да 6.00. На яго думку, рашэнне раённай адміністрацыі аб спыненні дзеяння раней узгодненага рэжыму працы ўстановы было нечаканым і беспадстаўным.

— Нас турбуе крымінальная абстаноўка: за мінулы год у клуб 60 разоў выязджалі нарады міліцыі. Акрамя таго, фіксаваліся адміністрацыйныя правапарушэнні з боку наведвальнікаў, звязаныя з бяспекай дарожнага руху. Усё гэта, на наш погляд, недапушчальна, — растлумачыў кіраўнік адміністрацыі Савецкага раёна Аляксандр Шчэковіч.

Ён падкрэсліў, што «наведвальнікі шумяць, а побач жылыя дамы»: «Не дзіўна, што толькі сёлета ў адміністрацыю паступілі тры калектыўныя звароты грамадзян. Таму пакуль прапануем вам працаваць з 18.00 да 23.00».

— Спыняцца выклікі міліцыі — у раённай адміністрацыі гатовыя вярнуцца да разгляду пытання аб павелічэнні працягласці працы клуба, — падкрэсліў Фролаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]