Расія не прапусціла ў Беларусь груз гародніны і садавіны

Паводле версіі Расельгаснагляду, прадукцыю перавозілі без сертыфікатаў.

Пра «спыненне чарговай спробы незаконнага экспарту падкаранціннай прадукцыі» з Расіі ў Беларусь паведаміла 16 сакавіка Федэральная служба па ветэрынарным і фітасанітарным наглядзе (Расельгаснагляд).

Адзначаецца, што супрацоўнікі ведамства 11 сакавіка спынілі паблізу расійска-беларускай мяжы два грузавыя аўтамабілі, якія перавозілі плодагароднінную прадукцыю вагой больш за 17 тон.

«Пад кіраваннем грамадзян Рэспублікі Беларусь садавіна і гародніна следавалі з аптовага склада Маскоўскай вобласці ў адрас беларускіх атрымальнікаў Мінскай і Брэсцкай абласцей без фітасанітарных сертыфікатаў», — гаворыцца ў паведамленні.

«Пасля <�…> экспертызы дадзенай прадукцыі, вынікі якой паказалі адсутнасць каранцінных арганізмаў, 13 сакавіка 2026 года груз вярнулі са Смаленскай вобласці да месца адгрузкі. Перавозчыкі прыцягнутыя да адміністрацыйнай адказнасці за правапарушэнне ў адпаведнасці з арт. 10.2 КаАП РФ», — адзначылі ў ведамстве.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]